Termau Gwasanaeth

Drwy archebu neu fynychu sesiwn, rydych yn cytuno i’r telerau canlynol.
 

1. Archebu a Thalu
 

• Rhaid archebu pob sesiwn ymlaen llaw.

• Mae taliad yn ofynnol ar adeg archebu drwy’r wefan.

• Cadarnheir eich lle unwaith y derbynnir y taliad.
   

2. Polisi canslo
 

Mae nifer cyfyngedig o leoedd ar gael mewn sesiynau bath gong a yoga cymunedol.

Os na allwch fynychu, rhowch wybod i ni cyn gynted â phosibl.
 

• Mwy na 48 awr o rybudd – Gallwch dderbyn ad-daliad llawn neu drosglwyddo’ch credyd i sesiwn arall (ar gais).

• Llai na 48 awr o rybudd – Nid oes ad-daliadau na throsglwyddiadau ar gael. Fodd bynnag, mae croeso i chi gynnig eich lle i ffrind.
   

Diolch am eich dealltwriaeth ac am gefnogi busnes bach sy’n cael ei arwain gan y galon.
 

3. Iechyd a chyfrifoldeb personol
 

Drwy fynychu sesiwn, rydych yn cadarnhau:
 

• Eich bod yn gorfforol ac yn feddyliol abl i gymryd rhan.

• Y byddwch yn hysbysu’r hwylusydd am unrhyw anafiadau, cyflyrau meddygol neu bryderon.

• Eich bod yn cymryd cyfrifoldeb am eich lles eich hun yn ystod y sesiwn.
   

Mae therapi sain a yoga yn arferion lles cyflenwol ac nid ydynt yn cymryd lle cyngor neu driniaeth feddygol.
 

Os ydych yn feichiog, yn dioddef o gyflwr meddygol difrifol, yn defnyddio peiriant rheoli calon (pacemaker), ag epilepsi, neu â phryderon iechyd meddwl difrifol, ymgynghorwch â’ch meddyg cyn mynychu a rhowch wybod i’r hwylusydd ymlaen llaw.
 

4. Newidiadau neu ganslo gennym ni
 

Rydym yn cadw’r hawl i:
 

• Newid lleoliad (o fewn pellter rhesymol)

• Addasu amseroedd sesiwn os oes angen

• Canslo sesiynau oherwydd salwch, nifer isel yn mynychu, neu amgylchiadau annisgwyl
   

Os byddwn yn canslo sesiwn, cynigir ad-daliad llawn neu drosglwyddiad i chi.
 

5. Atebolrwydd
 

Mae cymryd rhan ar eich risg eich hun. Nid yw Gong Cymru yn atebol am:
 

• Anafiadau a geir yn ystod sesiynau (ac eithrio lle maent wedi’u hachosi gan esgeulustod)

• Colli neu ddifrod i eiddo personol